11. აგვისტო 2026 სიახლეები

ჩეხეთის რესპუბლიკის კარიტასი იწყებს ახალ პროექტს უფრო მწვანე და კლიმატისადმი მედეგი ფოთისთვის

კლიმატის ცვლილება სულ უფრო მეტად აისახება საქართველოს სხვადასხვა რეგიონსა და მუნიციპალიტეტზე. სწორედ ამიტომ, ჩეხეთის რესპუბლიკის კარიტასი, გერმანიის მთავრობის მხარდაჭერით, ახალ ინიციატივას იწყებს, რომელიც ფოთს უფრო მწვანე, ჯანსაღ და კლიმატის ცვლილების მიმართ მედეგ ქალაქად ჩამოყალიბებაში დაეხმარება.

6. ივნისი 2025 სიახლეები

ჩეხეთის რესპუბლიკის კარიტასი, გაეროს ბავშვთა ფონდი და კორეის მთავრობა ერთიანდებიან ვაქცინაციის კლების წინააღმდეგ რუსთავში, მარნეულსა და გორში

ვაქცინაციის საგანგაშო მაჩვენებლების კლების საპასუხოდ, ჩეხეთის რესპუბლიკის კარიტასი გაეროს ბავშვთა ფონდისა და კორეის რესპუბლიკის მთავრობის მხარდაჭერით ახორციელებს პროექტს, რომლის მიზანია იმუნიზაციის სერვისების და საზოგადოებრივი ცნობიერების გაუმჯობესება რუსთავში, მარნეულსა და გორში.

10. აპრილი 2025 სიახლეები

ჩეხეთის რესპუბლიკის კარიტასი აგრძელებს საქართველოში კიბოს პრევენციაზე ზრუნვას

ჩეხეთის რესპუბლიკის კარიტასი წლების განმავლობაში აქტიურად არის ჩართული საქართველოში კიბოს პრევენციისთვის საჭირო ღონისძიებებში. ჩვენს ორგანიზაციას ჩატარებული აქვს ცნობადობის ამაღლების კამპანიები და დაარსებული აქვს ზუგდიდის სკრინინგ ცენტრი, დასავლეთ საქართველოს მოსახლეობისთვის გადამწყვეტი მნიშვნელობის მქონე ჯანდაცვის დაწესებულება. ჯანდაცვის პროექტების განხორციელებაში დიდი გამოცდილების გათვალისწინებით, ჩეხეთის მთავრობის მხარდაჭერით, ვიწყებთ ახალ ამბიციურ ინიციატივას, რომელიც მიზნად ისახავს შეამციროს ნაადრევი სიკვდილიანობა არაგადამდები დაავადებებით, განსაკუთრებით კიბოთი, დაავადების ადრეული გამოვლენის, მკურნალობის ხელმისაწვდომობის, საზოგადოების ინფორმირებულობისა და ჯანდაცვის მუშაკთა შესაძლებლობების გაუმჯობესებით გზით.

11. მარტი 2024 სიახლეები

ჩეხეთის რესპუბლიკის კარიტასი აგრძელებს ვეტერინარული სერვისების მხარდაჭერას საქართველოში

ჩეხეთის რესპუბლიკის კარიტასი აგრძელებს ვეტერინარული სერვისების მხარდაჭერას საქართველოში. გასულ კვირას ჩვენმა ორგანიზაციამ სურსათის ეროვნულ სააგენტოს მაღალი სიმძლავრის გენერატორი და თერმოჩანთები გადასცა. აღნიშნული გენერატორი დამონტაჟდება სურსათის ეროვნული სააგენტოს თბილისის ცენტრალურ ოფისში და უზრუნველყოფს ვაქცინების და სხვა მალფუჭებადი ნივთიერებების შენახვას ელექტროენერგიის გათიშვის შემთხვევაში. თერმოჩანთებს კი გამოიყენებენ სააგენტოს ვეტერინარული ბრიგადები, რომლებიც ვაქცინაციისა და სხვა ვეტერინარულ მომსახურებაში არიან ჩართული. 

29. ივნისი 2023 სიახლეები

ახალი სამედიცინო აღჭურვილობით ჟვანიას კლინიკა შეძლებს ბავშვთა ხანგრძლივი მოვლის სერვისის უზრუნველყოფას

ჩეხეთის განვითარების სააგენტოს ფინანსური მხარდაჭერით, ჩეხეთის რესპულიკის კარიტასი წლებია მუშაობს ბავშვთა ხანგრძილივი ზრუნვის სერვისის ჩამოყალიბებაზე სახელმწიფო მზრუნველობაში მყოფი მძიმე და ღრმა შეზღუდული შესაძლებლობის მქონე ბავშვებისთვის. 2017 წლიდან გაწეული მხარდაჭერა მოიცავდა ჟვანიას სახელობის ბავშვთა კლინიკის სამედიცინო აღჭურვილობით უზრუნველყოფას, ხანგრძლივი მოვლის სერვისის ხარისხის უზრუნველყოფის სტანდარტის შემუშავებასა და დამტკიცებას და სამედიცინო პერსონალის კვალიფიკაციის ამაღლებაზე ზრუნვას. დღეს გადაცემული 150 000 აშშ დოლარის დონაციით ბავშვთა კლინიკას უკვე შეუძლია სრული დატვირთვით ფუნქციონირება და სახელმწიფო მზრუნველობაში მყოფი ბავშვებისთვის საჭირო სერვისის უზრუნველყოფა.

• 1
• 2
• 3
• …

მიმდინარე პროექტები

სიახლეები

წარმატების ისტორიები

ფოტოგალერეა