26. ივნისი 2020 სიახლეები

2020 წელს ჩეხეთის რესპუბლიკის კარიტასი საქართველოში მისიის დაარსებიდან ხუთი წლის თავს აღნიშნავს

2020 წელი ჩეხეთის რესპუბლიკის კარიტასისათვის (CCR) მნიშვნელოვანი წელია, რადგან სწორედ წელს აღნიშნავს ორგანიზაცია საქართველოში საკუთარი მისიის დაარსებიდან ხუთი წლის თავს.  2015 წელს CCR-ის ადგილობრივი წარმომადგენლობა ოფიციალურად დარეგისტრირდა, როგორც "ჩეხეთის რესპუბლიკის კარიტასი". მისიის დაარსების დღიდან, ჩეხეთის კარიტასმა  განახორციელა ოცამდე პროექტი განვითარების სფეროში, ხელი შეუწყო ათასობით ადამიანისათვის ცხოვრების პირობების გაუმჯობესებას, ორიენტირებული იყო შეზღუდული შესაძლებლობების მქონე პირების, აუტიზმის სპექტრის მქონე ბავშვებისა და მაღალმთიანი რეგიონების მოსახლეობის დახმარებაზე.

3. ივნისი 2020 სიახლეები

ჩეხეთის რესპუბლიკის კარიტასმა COVID-19-ის დისტანიური მართვისთვის 1000 მდე ექიმი მოამზადა

მას შემდეგ, რაც ჯანდაცვის მსოფლიო ორგანიზაციამ COVID-19 პანდემიად აღიარა, საქართველოს მთავრობის (სმ) მიერ გამოცხადდა საგანგებო მდგომარეობა და გატარებული იქნა მთელი რიგი ღონისძიებები გლობალურ პანდემიასთან საბრძოლველად. საქართველოს მთვარობის ერთ-ერთ აუცილებელ და მყისიერ ქმედებას ოჯახის ექიმთა მიერ პაციენტების დისტანციური მომსახურება წარმოადგენდა, თუმცა უნდა აღინიშნოს, რომ ამ მეთოდის გამოყენებისთვის საჭირო გახდა ექიმების ტრენინგი. ტრენინგები განახორციელა ჩეხეთის რესპუბლიკის კარიტასის გუნდმა, რომელმაც  შექმნილ საჭიროებებზე სწრაფი რეაგირება მოახდინა და რამდენიმე კვირის განმავლობაში, ქვეყნის მასშტაბით,  1000-მდე ექიმის ტრენინგი და მათი მუშაობის კონტროლი განახორციელა.

1. ივნისი 2020 სიახლეები

ზაფხულის პირველი დღე - 1 ივნისი ბავშვთა დაცვის საერთაშორისო დღეა.

ზაფხულის პირველი დღე - 1 ივნისი ბავშვთა დაცვის საერთაშორისო დღეა. ეს დღე კიდევ ერთხელ გვახსენებს, რომ თითოეულ ბავშვს აქვს  უფლება „ფიზიკური, გონებრივი, სულიერი, ზნეობრივი და სოციალური განვითარებისათვის საჭირო ცხოვრების დონეზე“. ამასთან, ბავშვი, რომელიც დროებით ან მუდმივად მოკლებულია თავის ოჯახურ გარემოცვას, აქვს დახმარების და დაცვის უფლება სახელმწიფოს მხრიდან (უნისეფის კონვენცია  ბავშვის უფლებების შესახებ, მუხლი 27, მუხლი 20).

15. მაისი 2020 სიახლეები

ჩეხეთის რესპუბლიკის კარიტასი აგრძელებს Covid-19 თან დაკავშირებული საჭიროებების საპასუხო ქმედებებს

დღეს ჩვენ ნუცუბიძის ქუჩაზე მდებარე ჩვილ ბავშვთა სახლი მოვინახულეთ და კომპიუტერული ტექნიკა და პერსონალური დამცავი ეკიპირება გადავეცით პერსონალს.

კომპიუტერული ტექნიკა ჩვილ ბავშვთა სახლის პერსონალს დაეხმარება, სრულად ჩაერთონ დისტანციურად ტრენინგში, რომელსაც ჩეხეთის რესპუბლიკის კარიტასი ხვალიდან დაიწყებს. ტრენინგების მიზანია არსებული მომსახურების გაუმჯობესების ხელშეწყობა, სანამ ხელმისაწვდომი გახდება შესაბამისი სერვისები, მათ შორის ხანგრძლივი მოვლის სერვისი, რომლის დაფუძნებასაც ითვალისწინებს ჩვენი პროექტი.

აქტივობა ხორციელდება ჩეხეთის განვითარების სააგენტოს ფინანსური მხარდაჭერით, პროექტის „ბავშვთა ხანგრძლივი მოვლისა და პალიატიური მზრუნველობის სერვისების განვითარება საქართველოში“.

11. მაისი 2020 სიახლეები

ევროკავშირის მხარდაჭერით, COVID-19 პანდემიის საპასუხოდ ხულოს ჰოსპიტალს სამედიცინო ინვენტარი გადაეცა

ხულოს მუნიციპალიტეტში, COVID-19 თან დაკავშირებული საჭიროებების საპასუხოდ, ადგილობრივ ჰოსპიტალს გადაეცა 19000 ლარამდე ღირებულების სამედიცინო ინვენტარი და სახარჯი მასალები, ევროკავშირის მიერ მხარდაჭერილი პროექტის „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში“ ფარგლებში.

• …
• 23
• 24
• 25
• …

მიმდინარე პროექტები

სიახლეები

წარმატების ისტორიები

ფოტოგალერეა